Aƙalla Mutane uku ne suka mutu, yayin da wasu biyar suka jikkata bayan wani harin bindiga da aka kai a wata makaranta da ke tsakiyar ƙasar Philippines, kamar yadda rundunar ‘yan sanda ta sanar a ranar Litinin.
Lamarin ya faru ne da misalin ƙarfe 9:00 na safe a cikin Makarantar Sakandaren Kasa ta San Jose da ke birnin Tacloban, a jihar Leyte.
‘Yan sanda sun tabbatar da cewa an kama wani da ake zargi da hannu a harin, yayin da ake ci gaba da neman wani wanda ya tsere.
An kai waɗanda suka jikkata zuwa asibitocin da ke kusa domin samun kulawar lafiya, yayin da jami’an tsaro suka ƙara tura ƙarin jami’ai makarantar domin tabbatar da tsaron ɗalibai da malamai da iyaye da sauran al’umma.
Rundunar ‘yan sandan birnin Tacloban ta ce tana gudanar da bincike domin gano dalilin harin da kuma yadda lamarin ya faru.
Mahukunta sun buƙaci jama’a da su guji yaɗa bayanan da ba a tabbatar da su ba, tare da ba da haɗin kai ga masu bincike.
Hare-haren bindiga a makarantu ba su cika faruwa a Philippines ba, domin irin waɗannan al’amura ba kasafai suke faruwa a ƙasar ba.
.jpeg)
0 $type={blogger}:
Post a Comment