Shugaban Iran, Masoud Pezeshkian, ya isa Pakistan domin wata ziyarar aiki, wadda ita ce ziyararsa ta farko zuwa ƙasar waje tun bayan hare-haren da Amurka da Isra’ila suka kai wa Iran.
Shugaban Pakistan, Asif Ali Zardari da Fira Minista Shehbaz Sharif, da Ministan Harkokin Wajen ƙasar, Ishaq Dar, sun tarbi Pezeshkian a wani sansanin soji da ke kusa da babban birnin Islamabad a ranar Talata.
A yayin ziyarar ta yini guda, ana sa ran Pezeshkian zai gana da shugabannin Pakistan domin tattauna hanyoyin ƙarfafa haɗin gwiwa a fannonin kasuwanci, makamashi, tsaron iyaka, da alaƙar ƙasashen biyu.
Ziyarar na zuwa ne bayan Pakistan da Qatar sun taimaka wajen sasanta tattaunawar farko tsakanin Iran da Amurka a Switzerland domin kawo ƙarshen rikicin.
Tattaunawar ta haifar da wani shiri na gaba da zai iya kaiwa ga yarjejeniya ta ƙarshe, ciki har da sassauta takunkumin tattalin arziki na wani lokaci da kuma sakin wasu kuɗaɗen Iran da aka daskarar.
Ana kallon ziyarar Pezeshkian a matsayin godiya ga Pakistan bisa rawar da ta taka wajen taimakawa wajen tattaunawar diflomasiyya tsakanin Tehran da Washington.
.jpeg)
0 $type={blogger}:
Post a Comment