Kungiyar kwallon kafar Manchester United ta tabbatar da samun gurbi a gasar UEFA Champions League na kakar wasa mai zuwa bayan ta doke Liverpool da ci 3-2 a wasa mai cike da kayatarwa.
United ta fara da karfi inda Matheus Cunha da Benjamin Sesko suka zura kwallaye biyu cikin mintuna 15 na farko. Sai dai a zagaye na biyu, Liverpool ta dawo wasan inda Dominik Szoboszlai da Cody Gakpo suka farke.
Daga bisani, matashin dan wasa Kobbie Mainoo ya zura kwallo mai muhimmanci daga wajen akwatin bugun fanareti, wanda ya bai wa United nasarar.
Karkashin jagorancin koci Michael Carrick, United na cigaba da nuna kyakkyawan ci gaba tun bayan da ya karbi ragamar kungiyar a watan Janairu. Wannan nasara ta kara karfafa hujjar ci gaba da rike shi a matsayin koci na dindindin.
United mai matsayi na uku yanzu ta bude tazara da Liverpool da maki shida, kuma ta tabbatar da kammala kakar cikin kungiyoyi biyar na farko. Duk da shan kashi, Liverpool na bukatar maki uku kacal daga wasanninta uku da suka rage domin ita ma ta samu tikitin Champions League.
Wannan nasara ta kuma tabbatar da dawowar United cikin manyan kungiyoyin Turai bayan shekaru biyu na rashin halarta, tare da nuna sauyi mai girma idan aka kwatanta da kakar bara.
.jpeg)
0 $type={blogger}:
Post a Comment