Inter Milan Ta Lashe Kofin Serie A na 21 Bayan ta Doke Parma.

Kungiyar kwallon kafar Inter Milan ta lashe gasar Serie A karo na uku cikin shekaru shida, bayan ta doke Parma da ci 2–0 a filin wasa na San Siro.

Dan wasan gaba na Faransa Marcus Thuram ne ya fara jefa kwallo kafin a tafi hutun rabin lokaci, sannan Henrikh Mkhitaryan ya kara ta biyu a zagaye na biyu, lamarin da ya tabbatar da lashe kofin.

Wannan nasara ita ce ta 21 da Inter ke samu a tarihin gasar, inda suka ba masu rike da kambun bara Napoli tazarar maki 12, yayin da AC Milan ke biye ta bata tazarar maki 15.

Nasarar ta zo ne karkashin jagorancin sabon koci Cristian Chivu, wanda ya karbi ragamar kungiyar a bara bayan tafiyar Simone Inzaghi.

Duk da rashin gogewa sosai a matakin koli, Chivu ya farfado da kungiyar zuwa kan gaba.

Inter na da damar kara samun nasara biyu a kakar nan idan suka doke Lazio a wasan karshe na Coppa Italia da za a buga ranar 13 ga Mayu a birnin Rome.