Ƙasar Saudi Arabia ta sanar da dawowar aikin bututun man fetur din ƙasar bayan Hare-haren Iran.

Gwamnatin ƙasar Saudi Arabia ta bayyana cewa muhimmin bututun man fetur na ƙasar ya koma aiki yadda ya kamata bayan hare-haren Iran a kwanakin baya.

Mahukuntan sun ce an kammala gyare-gyare cikin gaggawa, wanda ya bai wa bututun damar dawo da cikakken ƙarfin aikinsa. Wannan na zuwa ne bayan harin da ya janyo cikas ga samar da mai da kuma jigilar shi zuwa kasuwannin duniya.

Saudi Aramco, kamfanin mai na ƙasar, ya tabbatar da cewa an ɗauki matakan tsaro masu tsauri domin kare muhimman kayayyakin more rayuwa daga irin waɗannan hare-hare a nan gaba.

Masana harkar makamashi sun ce dawo da aikin bututun zai taimaka wajen daidaita kasuwar mai a duniya, musamman a wannan lokaci da ake fuskantar tashin farashi da rashin tabbas.

Hukumomi sun jaddada cewa za su ci gaba da saka ido tare da ƙarfafa tsaro domin tabbatar da ci gaba da samar da mai ba tare da tangarda ba.

SHARE THIS