Iran ta ayyana sojojin Tarayyar Turai a matsayin 'kungiyoyin ta'addanci'

Iran ta ayyana sojojin Tarayyar Turai a matsayin 'kungiyoyin ta'addanci' kwanaki kadan bayan EU ta aiyana Rundunar kare juyin juya halin ƙasar ta IRGC da Kungiyar ta'addaci.

Iran ta ayyana sojojin kasashen Turai a matsayin "kungiyoyin ta'addanci", in ji kakakin majalisar dokokin kasar a ranar Lahadi, biyo bayan matakin da EU ta dauka na yin amfani da wannan sanarwan ga dakarun kare juyin juya halin Musuluncin ƙasar.

'Yan majalisar sun sanya koren rigar masu gadi a wani nunin hadin kai a zaman majalisar, inda suka yi ta rera taken "Mutuwa ga Amurka", "Mutuwa ga Isra'ila," da "Kunya a gare ku, Turai", kamar yadda gidan talabijin na kasar ya nuna.

Da yake tofa albarkacin bakinsa kan matakin da kungiyar ta dauka, kakakin majalisar, Mohammad Bagher Ghalibaf ya ce a karkashin "Mataki na 7 na dokar yaki da ayyana IRGC a matsayin kungiyar ta'addanci, ana daukar sojojin kasashen Turai a matsayin kungiyoyin 'yan ta'adda".

An fara zartar da dokar ne a shekarar 2019, lokacin da Amurka ta sanya jami'an tsaro a matsayin kungiyar ta'addanci.

An gudanar da zaman na yau Lahadi ne a daidai lokacin da ake cika shekaru 47 da dawowa daga gudun hijirar marigayi Ayatullah Ruhollah Khomeini wanda ya kafa Jamhuriyar Musulunci ta Iran a shekara ta 1979.

Jami'an tsaron su ne bangaren akida na sojojin Iran, wadanda ke da alhakin kare juyin juya halin Musulunci daga barazanar waje da kuma na cikin gida.

SHARE THIS