Real Madrid ta sallami Kociyanta, Xabi Alonso bayan Barcelona ta doke ta a wasan karshe na cin kofin Super Cup.

Real Madrid ta sallami Kociyanta, Xabi Alonso bayan Barcelona ta doke ta a wasan karshe na cin kofin Super Cup.

Kungiyar kwallon kafa ta Real Madrid ta kasar Sipaniya ta kori kocinta Xabi Alonso sa’o’i bayan ta sha kashi a hannun Barcelona da ci 3-2 a wasan karshe na gasar cin kofin Super Cup a birnin Jeddah na kasar Saudiyya ranar Lahadi.

Kungiyar ce ta bayyana hakan a shafinta na X a yau Litinin.

Ta rubuta, "Real Madrid ta sanar da cewa, bisa yarjejeniya tsakanin kungiyar da Xabi Alonso, an yanke shawarar kawo karshen zamansa a matsayin kociyan kungiyar.

"Xabi Alonso zai kasance yana samun kauna da sha'awar duk magoya bayan Madrid saboda shi gwarzon Real Madrid ne kuma 

yana wakiltar kimar Kungiyar, a ko yaushe, Real Madrid za ta kasance gidan sa."

Kungiyar ta sanar da maye gurbin Xabi Alonson da tsohon dan wasan bayanta, Alvaro Arbeloa, wanda ke kula da karamar Kungiyar Real Madrid.

SHARE THIS