Ƙasar Spain ta tabbatar da matsayinta a wasan ƙarshe na Gasar Kofin Duniya na 2026 bayan ta doke Faransa da ci 2-0 a wasan kusa da na ƙarshe da aka buga a daren Talata.
Spain ta fara cin kwallo ne a minti na 22, inda Mikel Oyarzabal ya zura kwallo ta bugun fenariti bayan Lucas Digne ya yi wa Lamine Yamal keta a cikin da'irar bugun fenariti.
A minti na 58 kuwa, Pedro Porro ya ƙara ta biyu bayan kyakkyawan haɗin gwiwar 'yan wasan Spain da Dani Olmo ya jagoranta.
Faransa ta yi ƙoƙarin dawowa cikin wasan, amma ta kasa karya tsaron Spain, wadanda suka tsaya tsayin daka har zuwa ƙarshen wasa.
Da wannan nasara, Spain za ta fafata a wasan ƙarshe na Gasar Kofin Duniya na 2026 da wadda ta yi nasara tsakanin Ingila da Argentina a wasan kusa da na ƙarshe da zasu fafata gobe laraba.
Haka kuma, mafarkin Faransa na kai wa wasan ƙarshe karo na uku a jere ya zo ƙarshe, yayin da Spain ke ci gaba da nuna ƙwazo a gasar.
.jpeg)
0 $type={blogger}:
Post a Comment