Shugaba Tinubu Ya Umurci Shugabannin tsaron ƙasar Najeriya su Tafi Borno, bayan harin Kunar bakin wake.

Shugaba Bola Ahmed Tinubu ya umurci dukkan shugabannin rundunonin tsaron Najeriya su tafi Maiduguri, babban birnin jihar Borno, sakamakon karuwar hare-haren ta’addanci a jihar a kwanan nan.

Shugaban ƙasa ya bayyana hakan a wata sanarwa da shi kansa ya sanya hannu a kai, wadda aka raba wa manema labarai yau Talata, 17 ga Maris, ‘yan sa’o’i bayan jerin hare-haren kunar bakin wake da aka kai a Borno ranar Litinin, wanda ya yi sanadiyar mutuwar akalla mutane 23.

A cikin sanarwar, Shugaba Tinubu ya yi ta’aziyya ga mutanen jihar Borno kan hare-haren ta’addanci, inda ya tabbatar da cewa rundunar sojin Najeriya na samun nasara a yaƙin da take yi da ‘yan ta’adda.

Shugaban ya bayyana cewa, a yayin taron tsaro da ya yi da shugabannin hukumomin tsaro da leken asiri a makon da ya gabata, ya amince da ƙarin kayan aiki da tallafi na musamman domin inganta ƙarfin su.

“Bugu da ƙari, na umurci shugabannin tsaro su tafi Maiduguri domin su dauki jagorancin lamarin. 

Haka kuma, na umurci hukumomin agajin gaggawa su kula da wadanda suka jikkata yadda ya kamata,” in ji Shugaba Tinubu.

News Translation in English Language.

President Tinubu Orders Nigerian Security Chiefs to Deploy to Borno After Suicide Attacks.

President Bola Ahmed Tinubu has ordered all Nigerian security chiefs to move to Maiduguri, the capital of Borno, following a recent surge in terrorist attacks in the state.

The President made this known in a statement personally signed by him and released to the media on Tuesday, March 17, just hours after a series of suicide attacks in Borno on Monday, which left at least 23 people dead.

In the statement, President Tinubu extended condolences to the people of Borno for the terrorist attacks and reassured them that the Nigerian military is making progress in the fight against insurgents.

He added that during a security meeting with leaders of security and intelligence agencies last week, he approved additional equipment and operational support to strengthen their capabilities.

> “Additionally, I have directed the security chiefs to move to Maiduguri to take charge of the situation. I have also instructed emergency agencies to provide proper care for the injured,” President Tinubu said.

SHARE THIS