Ministan Harkokin Waje na ƙasar Iran, Abbas Araghchi, ya bayyana cewa an samu “ci gaba mai kyau” a tattaunawar nukiliya ta kai-tsaye da Amurka, wacce aka shiga ta hanyar sulhu da Oman.
Araghchi ya ce, an cimma fahimtar “ka’idojin jagoranci” da za a yi amfani da su wajen fara tsara rubutaccen yarjejeniya da zai iya zama mataki na gaba wajen dawo da diplomasiya tsakanin kasashen biyu, bayan shekaru masu yawa na takaddama.
Duk da wannan ci gaba, ya yi gargadi cewa ƙayyade bambance-bambance zai ɗauki lokaci.
Sai dai duk da ci gaban tattaunawar, Amurka ta bayyana cewa matakin soja zai iya kasancewa zaɓi idan tattaunawa ta gaza.
Iran ta ki amincewa da wasu buƙatun Amurka, musamman game da makamai masu linzami da matakin haɓakar uranium da za ta yarda da shi.
Ana sa ran musayar tsare-tsaren yarjejeniya a tsakanin bangarorin biyu, tare da shirin gudanar da zagaye na uku na tattaunawa a nan gaba.
Wannan tattaunawa na gudana ne a lokacin da tashin hankali ke ƙaruwa a yankin, ciki har da ƙarin jiragen ruwa na Amurka da kuma atisayen sojojin Iran a manyan hanyoyin ruwa kamar mashigar Hormuz.
Akwai tsananin rashin amincewa tsakanin Iran da Amurka, tare da wasu batutuwa da ba a warware ba da ka iya jinkirta ko hana cimma yarjejeniyar.
Wannan ci gaba na nuna yunkurin diplomasiya, amma duk da haka nasarar karshe tana buƙatar hakuri da sassauci daga bangarorin biyu.
Tags
Labarai
_2.jpeg)