Gwamnan Kano ya rantsar da sabon Mataimaki

Gwamnan Jihar Kano, Abba Kabir Yusuf, ya rantsar da Murtala Sule Garo a matsayin sabon Mataimakin Gwamna a yau Talata.

An gudanar da bikin rantsarwar ne a harabar Gidan Gwamnatin jihar, inda aka sauya wurin daga Coronation Hall zuwa Africa House.

Bayan rantsar da shi, Garo ya yi alkawarin yin aiki tukuru domin tallafawa gwamnatin Yusuf da kuma ci gaba da manufofin ci gaban jihar. Ya kuma jaddada kudirinsa na tabbatar da kyakkyawan shugabanci, hadin kai da dorewar manufofin gwamnati.

Bikin ya samu halartar manyan jami’an gwamnati da jiga-jigan ‘yan siyasa, ciki har da tsoffin gwamnoni Abdullahi Umar Ganduje da Ibrahim Shekarau.

Nadin sabon mataimakin gwamnan ya biyo bayan murabus din tsohon mataimakin gwamna, Aminu Gwarzo, wanda ya sauka daga mukaminsa a ranar 27 ga Maris, 2026, sakamakon rikicin siyasa da zarge-zargen rashin da’a da kuma barazanar tsige shi daga majalisar dokokin jihar.

• Tweet
• Share
• Share
• Share
• Share