Matatar man Dangote Ta Rage Farashin Man Fetur da N100.

Matatar man Dangote Ta Rage Farashin Man Fetur da N100.

Kamfanin Matatar man fetur na Dangote ta sanar da rage farashin man fetur da Naira 100 a kowace lita, inda sabon farashin ya sauka zuwa N1,075 a kowace lita daga N1,175 da ake sayarwa a baya.

Rahotanni sun nuna cewa wannan sabon farashi shi ne farashin “ex-depot”, wato farashin da ‘yan kasuwar mai ke saya kai tsaye daga matatar kafin a kai shi gidajen mai domin sayarwa ga jama’a.

Ana sa ran wannan mataki na rage farashin zai iya taimakawa wajen rage farashin man fetur a gidajen mai idan ‘yan kasuwa suka saukar da farashin daidai da yadda aka rage a matatar.

Haka kuma, matatar ta rage farashin man dizal zuwa kusan N1,430 a kowace lita, daga sama da N1,600 da ake sayarwa a baya.

Masana harkar makamashi sun bayyana cewa sauyin farashin man fetur a Najeriya na faruwa ne sakamakon abubuwa da dama, ciki har da:

farashin danyen mai a kasuwar duniya,

darajar Naira idan aka kwatanta da dala,

da kuma kudin jigilar mai da sauran kudaden gudanarwa.

Ana sa ran cewa wannan mataki na matatar Dangote zai taimaka wajen sassauta farashin mai a kasuwa idan masu gidajen mai suka bi sahu wajen rage farashin ga masu amfani da shi na yau da kullum. ⛽📰

Post a Comment

Please Select Embedded Mode To Show The Comment System.*

Previous Post Next Post

Contact Form