Ana zargin wata Mata ta kashe mijinta Soja bayan ta banka mashi wuta yana barci

Wani jami’in sojan Najeriya mai suna Samson Haruna da ake zargin matarsa ​​ta kona saboda rikicin cikin gida ya mutu. 

Mista Haruna, Laftanar, ya kasance jami’in kula da lafiya na runduna ta 6 dake barikin sojoji na Wellington Bassey, Ibagwa, karamar hukumar Abak ta jihar Akwa Ibom.

Jaridar Premium Times ta ruwaito cewa lamarin ya faru ne a ranar 22 ga watan Satumba, kimanin watanni 5 da aurensu, kuma ma’auratan sun sha fama da rashin jituwa akai-akai a tsakaninsu, wanda ya kai ga arangama a cikin daren.

Likitan yana barci ne sai matarsa ​​ta zuba masa man fetur ta banka masa wuta. 

Ya samu munanan konewa, kuma da farko an yi masa jinya a wani asibiti da ke barikin sojojin kafin a kai shi Asibitin Koyarwa na Jami’ar Uyo (UUTH) da ke Uyo, inda daga baya ya rasu sakamakon raunukan da ya samu.

Tuni dai rundunar sojin Najeriya ta yi Allah-wadai da kashe Mista Haruna tare da jajanta wa iyalansa kan wannan mummunan mutuwar na jimi'inta.

Mataimakin daraktan hulda da jama’a na rundunar, Lawal Muhammed, a wata sanarwa da ya fitar a ranar Talata, ya ce likitan ya mutu ne sakamakon kone-kone da ya samu a rikicin cikin gida da matarsa.

Mista Muhammed ya ce binciken farko da aka gudanar ya nuna cewa lamarin ya faru ne bayan wata takaddama mai zafi tsakanin marigayin da matarsa, wanda ya samo asali daga rikicin iyali.

SHARE THIS