Ƙungiyar ƙwallon ƙafa ta Sifaniya ta kai wasan daf da na kusa da na ƙarshe na Gasar Kofin Duniya ta FIFA 2026 bayan da ta doke Portugal da ci 1-0 a wasan zagaye na 16 da aka buga a daren Litinin.
Wasan ya kasance mai zafi da cike da fafatawa, inda bangarorin biyu suka kasa samun damar cin ƙwallo a mafi yawan lokaci. Kyaftin ɗin Portugal, Cristiano Ronaldo, tare da João Félix da Bruno Fernandes, sun yi ƙoƙarin karya garkuwar tsaron Sifaniya amma abin ya ci tura.
Mai tsaron ragar Portugal, Diogo Costa, ya yi bajintar ceton ƙwallaye da dama, yayin da Rodri ya jagoranci tsakiyar filin Sifaniya wajen dakile hare-haren Portugal.
A tsakiyar rabin lokaci, Portugal ta samu koma baya, bayan da Nuno Mendes ya bar filin wasa sakamakon raunin tsoka, lamarin da ya rage ƙarfin ƙungiyar.
A mintin farko na ƙarin lokaci ne Sifaniya ta samu nasaran zura ƙwallon, bayan Ferran Torres ya yi saurin zartar da bugun tazara, inda ya bai wa Mikel Merino damar zura ƙwallo cikin raga, abin da ya tabbatar da nasarar Sifaniya.
Da wannan nasara, Sifaniya ta tsallaka zuwa wasan daf da na kusa da na ƙarshe, yayin da Portugal ta yi bankwana da gasar. Haka kuma, ana kallon wannan wasa a matsayin ƙarshen tafiyar Cristiano Ronaldo a Gasar Kofin Duniya bayan shekaru da dama yana wakiltar ƙasarsa.
.jpeg)
0 $type={blogger}:
Post a Comment