Adadin mutanen da aka tabbatar sun kamu da cutar Ebola a Jamhuriyar Dimokuraɗiyyar Congo ya ƙaru zuwa 1,203, ciki har da mutuwar mutane 321, kamar yadda bayanan gwamnati suka nuna ranar Juma’a.
Wadannan alkaluma sun haɗa da wadanda aka tabbatar sun kamu da cutar har zuwa ranar Alhamis, bisa wani rahoton halin da ake ciki na kiwon lafiya da ya tattara bayanan sabbin kamuwa da cutar cikin sa’o’i 24 da suka gabata.
Jami’an lafiya sun yi gargadin cewa cutar na iya yaɗuwa cikin sauri, bayan an samu rahoton mutuwar akalla mutane 30 a wani sansanin ‘yan gudun hijira da ake zargin wasu daga cikinsu sun kamu da Ebola.
Ma’aikatan lafiya na ci gaba da ƙoƙarin dakile barkewar cutar ta hanyar sa ido, kula da marasa lafiya, da ɗaukar matakan kariya domin hana yaɗuwar cutar.
Barkewar cutar ta jawo hankalin hukumomin lafiya na duniya, inda ake ƙara ƙarfafa matakan taimako domin tallafa wa Congo wajen yaƙi da Ebola.
.jpeg)
0 $type={blogger}:
Post a Comment